Í framhaldi af því sem ég skrifaði hér í vetur um það þegar verið var að meta hvort Hekla og aðrir af leikskólanum væru tilbúnir til að fara í skóla langar mig að halda áfram að lýsa hneykslan minni á dönskum foreldrum og skólakerfi... Í gær fengum við sko senda heim símaskrá bekkjarins hjá Heklu, það væri ekki í frásögu færandi nema af því að þar mátti lesa afmælisdaga krakkanna í bekknum. En þegar ég fór að skoða hvenær börnin væru fædd sá ég að af þessum 17 börnum sem eru í bekk með Heklu eru 4 af þeim fædd árið 1998! Elsta barnið er sum sé 1 ári og 1 mánuði eldri en Hekla sem er yngst, og það barn sem er næst yngst er fætt í október. Svo er eitt barn fætt í ágúst og allir hinir sem eru fæddir 1999 eru fæddir í apríl, maí eða júní. Þeir sem eru fæddir 1998 eru svo 2 í nóvember og 2 í desember. Svo já, það ber ekki á öðru en það sé eitthvað til í því að danir séu gjarnir á að seinka börnunum sínum í skóla... en þeir vilja jú ekki að börnin þeirra séu yngst í bekknum... betra að þau séu eldri til að þau nái betur að skara framm úr, en hvar endar það? Mér finnst þetta nú bara út í hött, sérstaklega með tilliti til þess að það er nú ekki verið að kenna mikið þarna, það er jú verið að kenna bókstafina og svo er ein verkefna bók sem á að duga í allan vetur, en verkefnin aftast í bókinni eru ekki erfiðari en svo að Hekla hefði getað leist þau í fyrra...
En já Hekla stendur sig nú bara vel þó hún sé yngst og fellur vel í hópinn sýnist mér, en ég verð nú að segja að ég hélt að barnið sem er 1 ári og 1 mánuði eldri en hún hefði farið í vitlausan bekk...
Já, námið gengur svo líka bara vel, í gær áttu þau að skrifa alla stafina sem þau kynnu á blað, hvern fyrir sig inn í hring og á blaðinu voru 28 hringir (danska stafrófið) og Heklu vantaði bara þrjá. Hún hafði nú reyndar skrifað íslenskt Ö en ekki danskt (skiljanlega) og eitt Ú, sem á náttulega ekki heima í danska stafrófinu, en það er nú aukaatriði. Að hennar sögn kunnu hinir miklu færri stafi en hún og var hún nú ekkert lítið montin yfir því ;) En hún var nú líka búin að læra stafina fyrir allavega ári síðan svo það er ekkert skrítið að hún kunni þá í dag.
Gerast áskrifandi að:
Birta ummæli (Atom)
1 ummæli:
Hæ þetta er hún amma Steina.
Hekla mín verður bara að hafa þolinmæði og halda áfram að standa sig vel þó hún sé yngst. Hún getur bara lært heima að lesa á íslensku. Svo getur amma athugað hvort hún finni ekki stærðfræði við hæfi. Já og hljóðbækur. Ég hafði nú grun um að þeir væru rólegir í tíðinni blessaðir.
Verið þið sæl að sinni.
Skrifa ummæli